ޗެޕްޓަރު 13
ސަރުކާރު ހިންގުމާއި ސިޔާސަތު ރޭވުން
- ސަރުކާރުންދޭ ހުރިހާ ކައުންޓަރ ޚިދްމަތްތަކެއް އެއް ފުރާޅެއްގެ ދަށަށްގެނެސް، ޚިދުމަތް ހޯދުން ޒަމާނާ އެއްގޮތަށް ފުޅާކޮށް، ލުއިފަސޭހަ ކޮށްދިނުން.
- އާސަންދަ އަދި އެންސްޕާގެ ތެރެއިން ހިނގަމުންދާ އިސްރާފުތައް ކުޑަކޮށް، އެ ދެ މުޢައްސަސާއިން ކުރާ ޚަރަދުތައް ހާމަކަންބޮޑު ގޮތެއްގައި ގެންދިއުމާއި، ކޮންމެ ރައްޔިތަކަށް އާސަންދައިން ހިނގަމުންދާ ޚަރަދު ސާފުކޮށް އެނގޭނެ ނިޒާމެއް ޤާއިމުކުރުން.
- ކައުންސިލްތަކުގެ އާމްދަނީ އިތުރުކުރުމަށް އެފަރާތްތަކުން ހުށަހަޅާ ހަރުދަނާ ހުށަހެޅުންތަކަށް އިޖާބަދީ، އެކަންކަން ކުރިއަށް ގެންދިއުމުގެ ވިސްނުމުގައި އެހީތެރިވެދިނުމާއި، ރަހުނުގެ ބޭނުންހިފައިގެން ރަށްރަށުގެ ތަރައްޤީއަށް ކައުންސިލްތަކުން ބޭންކިންގ ސިސްޓަމްގެ ތެރެއިން ފައިސާ ހޯދޭނެ މަގު ތަނަވަސްކޮށްދިނުން.
- ނިމެމުން މިދާ ރިޔާސީ ދައުރުގައި ވެފައިވާ ރިޔާސީ ވައުދާ ދިމާއިދިކޮޅަށް ރައްޔިތުންގެ އަތުން ނަގާފައިވާ ޕާކިންގ ޖޫރިމަނާ މަޢާފުކުރުން.
- ސަރުކާރުގެ ހުރިހާ އޮފީސްތަކެއް 'ޕޭޕަރލެސް' ކޮށް ހިންގޭނެ ފެންވަރަށް އޮފީސްތަކުގެ ލިޔެކިޔުންތައް ޑިޖިޓަލައިޒްކޮށް، އޮފީސް ހިންގުމަށް ބޭނުންވާނެ އެންމެހާ ޕްރޮގްރާމުތަކާއި ސޮފްޓްވެއަރތަކާ އިންޓަރފޭސްތައް ޤާއިމުކުރުން.
- ސިވިލް ސާރވިސްގެ މުވައްޒަފުންނަށް އަމާޒުކުރެވިގެން، ވަޒީފާއަށް އަޙުލުވެރިވުމުގެ ޕްރޮގްރާމުތަކާއި، ތަމްރީން ޕްރޮގްރާމްތަކާ، ހުނަރު ދަސްކުރުމުގެ ބޭރު ދަތުރުތައް އިތުރުކުރުން.
- ދެކޮޅުނުޖެހޭ އަދި ނޫފުލޭނެފަދަ ބުރަތަކެއް ހިމެނޭގޮތަށް ސަރުކާރުން ރައްޔިތުން އަތުން ނަގަމުންދާ ފީތަކާއި ޓެކުސްތަކުގެ ސަބަބުން އުފުލަންޖެހިފައިވާ ބުރަ ލުއިކުރުން.
- ސަރުކާރުގެ އިދާރާތަކުން، ސިޔާސީ އެކި ވިސްނުންތަކުގައި، ކައުންސިލްތަކުން ރަށްރަށުގެ ރައްޔިތުންގެ ލާބައާއި މަންފާއަށްޓަކައި ފާސްކުރަން ހުށަހަޅާ ލޭންޑްޔޫސް ޕްލޭންތައް ލަސްކޮށް، ހިފަހައްޓަމުންގެންދާ ގެންދިއުން ހުއްޓުމަކަށް ގެނައުން.
- އަންހެނުންގެ ހައްޤުތަކާއި، ކުޑަކުދިންގެ ހައްޤުތަކާ، ނަފްސާނީ ދުޅަހެޔޮކަމުގެ ކަންކަމާ، ޢާއިލާ ރޭވުންފަދަ މުހިންމު ދާއިރާތަކުގައި އަޑުއުފުލާ، ޙަރަކާތްތެރިވާ އަމިއްލަ ޖަމްޢިއްޔާ ޖަމާއަތްތަކަށް ސަރުކާރުން ދޭ އެހީތެރިކަމާއި އެއްބާރުލުން ބޮޑުތަނުން އިތުރުކުރުން.
- ސަރުކާރުގެ އިދާރާތަކާއި އަމިއްލަ ވިޔަފާރިތަކަށް ހުޅުވާލެވޭ، ވަކި މިންގަނޑުތަކެއް ފުރިހަމަކުރުމުން ދެވޭ ޤައުމީ ފެންވަރުގެ 'ހަމަހަމަކަން ކަށަވަރު' ސިއްކަ ތަޢާރަފުކުރުން.
- ޒުވާނުން އިސްކަންދޭ ވަކިވަކި ކަންކަމުގައި، ރައީސުލްޖުމްހޫރިއްޔާއަށް ބޭނުންފުޅުވާ ލަފާ ހޯއްދެވުމަށް އަދި އެ ކަންކަމާ ގުޅިގެން ޒުވާނުންގެ ޚިޔާލު ހޯދާ، ސަރުކާރުގެ ސިޔާސަތުތަކުގައި އެކަންކަން ހިމެނުމަށްޓަކައި، އެކުލަވާލެވޭ "ޕްރެސިޑެންޝަލް ޔޫތް އެޑްވައިޒަރސް" ގެ ގިންތިއެއް ތަޢާރަފުކުރުން.
- ސިވިލް ސާރވިސްގެ މުސާރައިގެ އޮނިގަނޑަށް ބޮޑެތި އިޞްލާޙުތަކެއް ގެނެސް، ޒުވާން އަދި ތަޢްލީމީ މުވައްޒަފުންނަށް ލިބޭ މުސާރަ ބޮޑުތަނުން އިތުރުކުރުން.
- ސަރުކާރުގެ ހުރިހާ އިދާރާއެއްގެ ހުރިހާ ލިޔެކިޔުންތަކެއް ހިމެނޭ 'ޑިޖިޓަލް ނޭޝަނަލް އާރކައިވް' އެއް ޤާއިމުކުރުމާއި، ޤާނޫނެއްގެ ދަށުން، ލިޔެކިޔުން އެއާކައިވްގައި ރައްކާކޮށް، ބެލެހެއްޓޭނެ ނިޒާމެއް ޤާއިމުކުރުން.
- ދިވެހިރާއްޖޭގެ ޑިޕްލޮމެޓިކް މިޝަނެއް ނެތް 3 ބައްރުކަމުގައިވާ އެފްރިކާ، ސައުތު އެމެރިކާ އަދި އޮސްޓްރޭލިއާގައި ދިވެހިރާއްޖޭގެ މިޝަންތައް ހުޅުވުން.